Wéi een iwwerzeegenden Instagram Content mat Wëssenschaft kreéiert

Inhalt

60.000-mol méi séier wéi Text 13 Millisekonnen 2 Sekonnen Attention Span Eist Gehir huet d’Einfachheet gär D’Geschicht vun den 2 Hénger An d’Instagram-Ëmfeld passen Beispiller fir perfekt Posts Beispiller fir manner gutt Instagram Posts

Instagram Content ass haut d’Thema Nummer 1 an der Agenturwelt – mee wéi kreéiert een e Post oder eng Ad, déi aus der Mass erausstécht, d’Leit begeeschtert a Landmarke setzt? Dat ass d’Fro, déi Creatives a Cliente schlofloos Nuechte bereet. Mee elo net méi. An dësem Blog liwwere mir den ultimative Cheat Sheet fir dee beschten an effektivste Content op Instagram ze erstellen, baséierend op de leschte wëssenschaftleche Fakten a senger Applikatioun an de soziale Medien.

60.000-mol méi séier wéi Text

Instagram ass eng visuell Plattform. Et geet ëm d’visuell Erfarung an genau dofir gëtt et ëmmer méi beléift bei de Benotzer. Ee vun de Grënn ass, dattist eist Gehir visuelle Content 60.000-mol méi séier veraarbecht wéi Text. Eng riseg Chance, fir d’Wäerter vun enger Brand effektiv ze kommunizéieren. Mengt dir net och?

13 Millisekonnen

Laut enger MIT-Studie kënne Leit d’Basisinformatiounen (Objet, Faarf, Stëmmung) vun engem Bild an nëmmen 13 Millisekonnen verstoen. Dat ass d’Zäit, an där dir ärem Publikum den éischten Androck an d’Basis-Botschaft iwwer är Brand vermëttele kënnt. Denkt dorun, wann dir Visuals kreéiert a test se bei äre Kollegen. Wann se d’Haaptidd vum Bild net a manner wéi 13 Millisekonne begräifen, sollt dir et verbesseren oder anescht ausriichten.

2 Sekonnen Attention Span

Am Joer 2016 huet eng Research vu Facebook gewisen, datt d’Opmierksamkeet fir ee Post op mobillen Apparater e bësse manner wéi 2 Sekonnen ass. Dir sollt dës Zäit verlängeren, andeems dir en attraktiven a visuell engagéierende Post kreéiert. Wat méi Zäit de Publikum mat ärem Content verbréngt, wat d’Brand méi attraktiv an am Gediechtnes bleift. Dat muss awer net ëmmer de Fall sinn: Wann dir d’Hapt-Info duerch einfacht Bildmaterial a manner wéi 2 Sekonne liwwere kënnt, hutt dir och gewonnen.

Eist Gehir huet d’Einfachheet gär

Eist Gehir huet einfach Iddie gär, a Biller ginn de Marketer d’Méiglechkeet, Informatiounen op dat Wesentlecht ze reduzéieren. Denkt u Verkéiersschëlter: Ass et besser, e Schëld ze hunn op deem steet „Hei kënnt eng Schoul, passt op d’Kanner op déi iwwer d’Strooss ginn“, oder einfach d’Bild vun zwee Schoulkanner déi goen?

Dat gëllt och fir d’Faarwen. Biller mat 2 dominante Faarwe gi vun eisem Gehir léiwer gesinn wéi extravagant, villfaarweg Biller.

Benotzt dës Logik och fir Instagram. Emotiounen (datt Emotioune verkafen ass bekannt) an Informatioune loosse sech aus einfache Biller vill méi liicht erausliesen.

D’Geschicht vun den 2 Hénger

Eng Studie aus dem Joer 2010 vun der University of Texas beweist, datt d’Leit net nëmmen op Basis vun Emotiounen entscheeden, mee virun allem op Basis vun der visueller Attraktivitéit. D’Fuerscher hunn eng Grupp gefrot, wéi eent vun 2 Hénger (Chickens) se gär zum Iesse gebrutzelt hätten.

Dat „schéint“ Hong ass super lecker an huet dat zarteste Fleesch, dat een je giess huet. Dat zweet „hässlecht“ Hong ass e Bio-Hong aus fräier Natur a super gesond. Déi grouss Majoritéit huet d’schéint Hong gewielt.

Duerno hunn d’Fuerscher eng aner Grupp dat selwecht gefrot, mee d’Charakteristike vertosch: D’schéint Hong war elo de gesonde Bio-Vull, mee net sou lecker, an dat hässlecht war super lecker, mee net sou gesond.

D’Resultat: D’Majoritéit huet erëm dat schéint Hong gewielt. Dëst Experiment beweist, datt d’Leit op Basis vu visuellen Informatiounen (Attraktioun) entscheeden.

Notzt dëst Wëssen a kreéiert schéinen Instagram Content, fir datt d’User äert Produkt amplaz vun anere wielen.

An d’Instagram-Ëmfeld passen

D’Leit hunn Instagram gär wéinst der visueller Schéinheet. Si suivéiere Celebritéiten, Konscht, Reesender an aner attraktiv Aktivitéiten. Fir Brands ass et entscheedend, an dëst Ëmfeld ze passen an net wéi eng typesch Reklamm ze wierken. D’Leit wëllen op Instagram keng klassesch Ads gesinn; si sichen eng visuell Satisfaktioun.

Den Trick fir iwwerzeegende Content ass: net ze vill Photoshop, keng Grafiken déi wéi Plakater oder Flyeren ausgesinn a keng generesch Stock-Fotoen. 65% vun den Instagram-User bemierke guer keng Ads. Trotzdem gëtt et vill Reklamm op der Plattform, an dat ass och gutt sou. Instagram ass primär e Kanal fir Brand Awareness, och wann dat sech duerch Shopping Tags deels ännert.

Fokusséiert iech op d’Qualitéit vum Bild. Wann dir keng visuell Ader hutt oder keng Produktioun an der Agentur hutt, probéiert Alternativen wéi Canva oder Bild-Bibliothéike wéi Unsplash oder Lobster. Benotzt ni gestallten Stock-Biller, déi sech op Instagram onnatierlech ufillen.

Probéiert léiwer User-Generated Content ze notzen. Dat passt vill besser an de Feed. Mäi leschten Tipp: Kuckt iech un, wéi äert Publikum Fotoe vun äre Produkter mécht a maacht dat selwecht. Léiert vun hinnen a kopéiert hire Stil.

Beispiller fir perfekt Posts

Beispiller fir manner gutt Instagram Posts

Leider konnt net alles an dësem Blog ernimmt ginn. Ech hoffen awer, datt dir beim Liese Freed hat an dës Tipps an Tricks fir är Instagram-Profiler uwende kënnt.