Zréck op de Blog
Wëlls du méi doriwwer wëssen, wéi s du dengem Business a Krisenzäiten an dono hëllefe kanns? Klick op de Knäppchen hei drënner an eise Facebook Bot schéckt dir den Ebook.
Dos & Don’ts fir d’Social Media Kommunikatioun
Mat der Verbreedung vum COVID-19 sollt jiddereen (och Marketeren) méi doriwwer nodenken, wat e kommunizéiert. E puer Brands probéieren wierklech ze bilden, ze informéieren a sensibel ze sinn – mir hunn hiren Usatz gär. D’Gefor sollt net verharmloost ginn. Kucke mer eis un, wat d’Dos an d’Don’ts an enger Zäit wéi dëser sinn.
Wat bedeit dat fir d’Marketing-Industrie?
Grouss Tech-Eventer ginn ofgesot oder verréckelt. Marketing-Teams sti virun der Erausfuerderung vum Homeoffice. Social Media Rise spiere schonn d’Auswierkunge bei den Ad-Recetten. Wichteg Decisioune ginn op en onbestëmmten Datum verréckelt. Sechs vun den zéng gréisste Länner fir de Publicitéitsmarché sinn „aktuell COVID-19 Hotspots.“ Et gëtt bericht, datt Facebook souguer gratis Ads fir d’WHO ugebueden huet.
Déi richteg Social Media Kommunikatioun war nach ni sou eng grouss Erausfuerderung: an all eenzele Feeler kéint esou séier net vergiess ginn. Esouguer ee eenzege Social Media Post kann en Impakt op d’Autoritéit vun denger Brand hunn.
Brands, déi op Social Media aktiv sinn, hunn eng Matverantwortung fir d’Panik ze reduzéieren, d’Infektiounsrisiko ze miniméieren an Best Practices ze deelen. Allerdéngs wierken net all Brands esou, wéi wann se bei sensiblen Inhalter an esou Situatioune besonnesch virsiichteg wären.
Firwat ass Social Media wichteg fir d’Kommunikatioun iwwer de Coronavirus?
Et gëtt véier Haaptrollen, déi d’Social Media an dëse schwéieren Zäite spillen.
1. Social Media als Informatiounsquell
Hei sichen vill Leit no den neiste Updates, net nëmmen zum Thema Coronavirus. Social Media begleet eis de ganzen Dag, a fir vill Leit ass et déi éischt Plaz fir verifizéierbar Informatiounen zu all Thema ze fannen.
2. Social Media als Kommunikatiounskanal
Wann mer Informatiounen opgeholl hunn, wëlle mer se oft diskutéieren an d’Meenung vun aneren héieren. Social Media bitt hei de perfekte Kanal fir un Conversatiounen Deel ze huelen an Interaktiounen ze förderen.
3. Social Media als Visittekaart
Et spillt keng Roll, ob s du däi Business am Moment normal weiderféiers oder dech éischter am Hannergrond hältst, bis d’Pandemie eriwwer ass. Social Media war, ass a bleift deng Visittekaart. E Kanal, fir deng Brand ze presentéieren. Dat sollt sech och an dëser turbulenter Zäit net änneren.
4. Social Media als Customer Service Plattform
Wéi eng Entreprise si vum Coronavirus am meeschte betraff? Eventer, Hoteller, Fluchgesellschaften an de Reessecteur, fir nëmmen e puer ze nennen. Si erliewen aktuell vill Onrou an, och wann se dës Situatioun net genee virausgesi konnten, sollten se scho verschidde Kriseprozeduren am Kader vum Customer Service hunn.
Wéi geet een op Social Media mam Coronavirus ëm?
D’Situatioun ass onberechenbar a bleift dat vläicht och nach eng Zäitchen. Wat gëllt dann als professionellt a virsiichtegt Brand-Verhalen op Social Media während dëser Kris? Mir hu e puer gutt Beispiller gesinn:
1. Informéier an educéier deng Audience
Dat lescht, wat deng Brand op Social Media maache sollt, ass opzehänken d’Leit an esou enger Situatioun ze informéieren. Et schuet näischt, ëmmer erëm d’Sécherheetsreegele matzedeelen. Encouragéier deng Audience hinnen ze follegen. Dir kënnt net genuch doriwwer posten: mir all brauchen Orientéierung an enger schwiereger Situatioun.
Den NHS (National Health Service a Groussbritannien) informéiert kontinuéierlech op all hire Social Media Plattformen. Och wann s du denks, datt jiddereen mëttlerweil weess, wéi ee seng Hänn wäscht, erënneren se an esou gutt wéi all Social Media Post drun. Et versteet sech vun selwer, datt d’online an offline Kommunikatioun dësem Wee gefollegt ass.
Wat maache kommerziell Brands? Carex gehéiert definitiv zu de Brands, déi aktuell vill Opmierksamkeet kréien. Och wann se nach Ads schalten, bleiwen dës ganz informativ andeems se Tipps fir d’Hännwäschen an aner Hygiènesmesurë deelen.
2. Bitt dëng Follower Alternativen un
D’Zäite sinn onsécher, dofir kann an sollt d’Planung vun Aktivitéiten an de meeschte Fäll waarden. Vill Leit wëllen awer hir Pläng net änneren, aus Angscht Suen oder Zäit ze verléieren. Dofir ass et wichteg, hinnen entgéintzekommen, och wann dat deng Brand Recetten kascht. Dir verléiert vläicht Suen, awer gewannt an anere Beräicher: eng besser Brand Reputation, Vertrauen, Loyalitéit a grousse Respekt.
KLM (wéi vill aner Fluchgesellschaften och) huet gratis Embuchungen fir all Destinatiounen ugebueden, och fir déi, déi net direkt vum Coronavirus betraff waren. Dës flexibel Rebooking-Politik weist, datt d’Brand sech ëm hir Passagéier këmmert.
3. Solidaritéit an de Virdergrond stellen
Sief hëllefsbereet a weist de mënschlechen Aspekt vun denger Brand. Du kanns zwar net d’Leed vun der ganzer Welt lindern, awer du kanns de Leit hëllefen sech un d’Situatioun unzepassen oder hinnen déi positiv Säite weisen. All kleng Geste zielt.
D’App Carousell aus Singapur encouragéiert d’User mat #ChooseToGive. Amplaz Hamsterkafe ze fërderen, deelt Carousell Geschichte vu Leit, déi eppes gratis verschenken wëllen. Eng Geschicht handelt vun enger Persoun, déi hir Schutzmasken mat eelere Leit deelt, well se gemierkt huet, datt dës se méi dréngend brauchen.
Business vergiess de Business och net.
HeySpace, en Tool fir Remote-Aarbecht, huet decidéiert hir Servicer ee Mount laang gratis unzebidden, fir nei Remote-Teams an dëser neier Situatioun ze hëllefen. De Jason Fried, CEO vu Basecamp, huet d’Kafpräis vu sengem Buch „REMOTE“ zréckbezuelt, fir Remote-Ufänger z’ënnerstëtzen.
Plant Jammer seet et kloer: si wëllen net vun enger Kris profitéieren an maachen hir Paid Features – Rezepter mat AI bauen – gratis fir jiddereen zougänglech.
4. Effiziente Customer Service am A behalen
Wéi scho gesot, de Reessecteur leid staark ënner der Kris. Dat bréngt vill Froe mat sech. Wann s du an enger Industrie schafft, déi direkt vum Coronavirus betraff ass, solls du op vill Messagen an Ufroe virbereet sinn.
Rise wéi Airbnb hu mat villen Ufroen a Reklamatiounen ze kämpfen, dofir ass d’Aktualiséierung vum Help Center an d’Aktivitéit op Social Media entscheedend fir si.
5. Verantwortung iwwerhuelen
Mat grousser Kraaft kënnt grouss Verantwortung.
Och wann s du Campagnen geplangt hues, ass vläicht elo net de beschte Moment se ze verëffentlechen. D’Leit si besuergt, an eng Kampagne, déi virun e puer Wochen nach harmlos war, kéint haut fir Ierger suergen. Dofir sollten d’Brands verantwortungsvoll mat hirem Content ëmgoen.
Coors Light wollt hir Béier als „Official Beer of Working Remotely“ promouvéieren. Well Homeoffice elo awer mat Quarantän a Verbindung bruecht gëtt, wier d’Kampagne onpassend. Si hunn decidéiert d’Kampagne ze stoppen.
Hersheys huet och eng Kampagne zréckgezunn, an där et ëm d’Hänn ginn an d’Embosse bei Séissegkeete goung. D’Brand huet decidéiert op reng Produkt-Annoncen ëmzeklammen, fir keng aktuell riskant Interaktiounen ze förderen.
Et ass wahrscheinlech, datt nach méi esou Beispiller wäerte kommen, awer Coors Light an Hersheys hunn e wichtege Virstouss gemaach.
Wéi een NET mam Coronavirus op Social Media ëmgeet? Praktiken fir ze evitéieren
Leider gëtt et nach ëmmer Brands, deenen hir Social Media Kommunikatioun zu Wënsch iwwereg léisst. Déi eenzeg Entschëllegung ass oft, datt se net wëssen, wéi se mat dëser Situatioun ëmgoe sollen.
Keng falsch Informatioune verbreeden
Falschinformatioune sinn e grousse Feind. Vergewëssert iech, datt dir denger Audience net empfielt an d’Epicerie oder an d’Vakanz a betraffen Gebidder ze reesen.
Et ass näischt fir ze lachen
Et gëtt ëmmer Memes an ironesch Kommentaren, awer deng Brand sollt dat net maachen. Och wann d’Leit schwaarze Humor gär hunn, ass de Coronavirus am Moment kee Sujet fir deen een de Geck mécht.
Et ass och näischt fir Profit doraus ze schloen
D’Leit hu Schwieregkeeten: dovun ze profitéieren ass onethesch. Mir wëssen, datt e Business Sue brauch, awer et sollt net op d’Käschte vun der Kris geschéien.
Näischt ass permanent op Social Media. Och den Content Calendar net.
Du muss deng Kommunikatioun an Echtzäit upassen. Och wann mir d’Virausplanung vum Content recommandéieren, ass et elo däin Job, ëmmer erëm ze iwwerpréiwen, ob d’Inhalter nach relevant a passend sinn. Soss kéint et méi schueden wéi nätzen.
Et ass eng Saach, denger Marketing-Strategie ze follegen, an d’Content-Planung duerchzezéien.
Et ass awer eng aner Saach, stuer un de Pläng festzehalen an net op d’Situatioun ze reagéieren, besonnesch am Rees- oder Tourismussecteur.
Wéi kann een d’Revisioun vun geplangte Posts vereinfachen?
Du kanns an Kontentino separat Content-Pläng fir deng Ads erstellen – esou hues du se am Kalenner am Bléck, ouni de Business Manager opzemaachen.
Benotz Notizen fir d’Dauer vun der Campagne an d’Zilgrupp direkt beim Post ze markéieren.
Setz verschidde Faarwe fir d’Post Labels, fir direkt ze gesinn, wat fir eng Zort Posts geplangt sinn.
Esou kanns du dës Posts séier identifizéieren an op en aneren Datum verréckelen.
Resumé
Brands op Social Media hunn haut e groussen Impakt op d’Welt, an dat gëllt och fir d’Situatioun ronderëm de Coronavirus.
Mir hoffen, datt dës Best Practices dech dozou bruecht hunn, deng Strategie ze iwwerdenken. Mir gleewen, datt dësen Artikel hëlleft, einfach Feeler ze vermeiden an nëmmen nach sënnvoll Praktiken ze deelen.
Halt d’Oueren steif!
