Zréck op de Blog
Facebook an Instagram ware scho ëmmer voller fake Profiler, oder net?
Dir mengt vläicht, dat wier net sou dramatesch, mee wann Äre Brand oder eng aner grouss Mark imitéiert a mëssbraucht gëtt, ass et héich Zäit fir eppes dergéint ze maachen.
Wéi identifizéiert een e fake Profil?
- D’Aktivitéit ass éischter geréng, wat de Content ubelangt.
- Et ass héich warscheinlech, datt de Profil kee Verification badge nieft dem Profilnumm huet.
- An der Profilbeschreiwung fënnt ee dacks Voucher oder Präisser ënner der Konditioun vun engem Like oder engem Follow. Zum Beispill: “Déi éischt 1.000 Follower kréien e 50 € Bong. 1. Like eis, 2. Deel eis an enger Story, 3. De Bong gëtt dir bannent 48 Stonnen per DM geschéckt.“
- De Profil publizéiert fake Stories & Testimonials vu Leit, déi angeblech e Bong kritt hunn:
Firwat maache fake Profiler dat, wat se maachen?
1. Schnell Wuessstum vun der Fanbase
D’Iddi, englesch gratis Bongen ze kréien nëmmen am Austausch fir en einfache Like oder Follow, lackelt vill Leit un. An de meeschte Fäll bidden d’Profiler eng verlockend Chance fir ze gewannen. Dat eenzegt, wat geschéie muss, ass, datt sou e Post oder eng Instagram Story ënner engem bekannte Markennumm erschéngt, an d’Leit kommen a Stréim. Esou Profiler mat enger solider Fanbase ginn spéider verkaaft an den neie Besëtzer gëtt hinnen deen eegenen Numm.
Wichtege Remark: Wann Ären eegene Brand nach keen Instagram-Profil huet an een aneren Ären Numm mëssbraucht a spéider ëmbenennt, kënnt Dir deen Numm och an Zukunft net méi kréien, well e scho vun engem anere benotzt gouf.
2. Mëssbrauch vu perséinlechen Donnéeën
Verschidde fake Profiler verlinken amplaz vu Follows op eng spezifesch (fake!) Websäit. Esou Websäiten hu genee wéi de Profil näischt mat der Mark ze dinn.
D’Leit landen dacks op wierklech komesche Säiten, z. B. http://xn--teso-sk-45a.com/, wou meeschtens e Questionnaire op ee waart, deen no perséinlechen Donnéeë freet (Handysnummer, E-Mail asw.). Dës kënne fir de Mëssbrauch genotzt ginn. Et gëtt souguer Leit, déi fir u Bongen ze kommen, SMSen u komesch Telefonsnummere schécken, mat deenen se onbewosst e kofpflichtegen Abo fir Promotiounen ofschléissen.
Wat kënnt Dir dogéint maachen?
1. Informéiert Är Follower
2. Rapportéiert de Profil
3. Kritt e Verification badge 
Wann Dir scho probéiert hutt, e Verification badge op Facebook ze ufroen, sidd Dir vläicht op d’Meldung gestouss “Dës Funktionalitéit ass am Moment an Ärer Regioun net verfügbar”.
Wann Dir dëse Badge onbedéngt braucht, frot Är Digital Agentur, déi Är Social Media geréiert. Déi meescht Agenturen hunn eng méi enk Zesummenaarbecht mat Facebook am Business Manager.
Am Fall vun Ënnerstëtzung vu Facebook kënnt Dir “Agency support” oder “Client support” ufroen (dat sinn offiziell Formulairen vu Facebook), wou Dir direkt d’Optioun hutt fir d’Säit ze verifizéieren.
4. Rapport iwwer den direkten Facebook Support
Wéi scho gesot, “Agency” oder “Client” Support oder e perséinleche Facebook Account Manager fir Äre Business Manager (jo, dat gëtt et wierklech, wann ee genuch fir Ads ausgëtt) sinn déi perfekt Weeër fir d’Plattform ëm Hëllef ze froen.
Fir d’Identitéit ze verifizéieren, kéint Facebook folgend Dokumenter ufroen:
- Eng lokal Geschäftslizenz
- E Dokument vun der Steiererklärung
- Grënnungszertifikat (fir eng Gesellschaft)
- Satzung (Articles of Incorporation)
Fazit
Leider beweist dës Situatioun och, datt vill Leit net iwwerpréiwen, wat se um Internet liesen. Dat ass och de Grond, firwat Fake News sou eng Muecht iwwer d’Leit hunn.
Wann Dir dësen Artikel gär gelies hutt a wëllt léieren, wéi Dir Äert Instagram Scheduling optimiséiere kënnt, kuckt eisen Artikel iwwer déi bescht Zäit fir op Instagram ze posten.
